काठमाडौं । नेपाली कम्युनिस्ट पार्टीले निर्वाचन आयोगमा दल दर्ताको निवेदन दिएको छ । आज बिहीबार नेपाली कम्युनिस्ट पार्टीले आयोगमा दल दर्ताको निवेदन दिएको हो।
विभिन्न १० दवा वाम दल र समूह मिलेर बनेको पार्टीले हिजो एकता घोषणा गरेको थियो । साविकका नेकपा माओवादी केन्द्र, नेकपा एकीकृत समाजवादी सहितका दलहरूले नेपाली कम्युनिस्ट पार्टी बनाएका हुन्। नवगठित पार्टीको चुनाव चिह्न पाँचकुने तारा राखिएको छ।
निर्वाचन आयोगका प्रवक्ता नारायणप्रसाद भट्टराईले नेपाली कम्युनिस्ट पार्टीको दल दर्ता निवेदन प्राप्त भएको जानकारी दिए। आगामी २१ फागुनमा हुने निर्वाचनमा भाग लिने राजनीतिक दलले यही ३० कात्तिकभित्र दल दर्ताको प्रमाणपत्र लिइसक्नुपर्ने छ।
