नवनियुक्त गृहमन्त्री अर्याल
काठमाडौँ, ३० भदौः नवनियुक्त गृह, कानुन, न्याय तथा संसदीय मामिलामन्त्री ओमप्रकाश अर्याल सोमबार मन्त्रालयमा पद बहालीपश्चात् मन्तव्य राख्नुहुँदै । तस्बिरः गोपाल दा 
काठमाडौं । गृहमन्त्री ओमप्रकाश अर्यालले राजनीतिक दबाबले रोकिएका सबै फाइल खोल्न प्रहरीको केन्द्रीय अनुसन्धान ब्युरो (सीआईबी) लाई निर्देशन दिएका छन् ।
आज शुक्रबार सीआईबी कार्यालयको निरीक्षण गर्न पुगेका गृहमन्त्री अर्यालले राजनीतिक कनेक्सनका आधारमा रोकिएका सबै फाइल अघि बढाउन निर्देशन दिएका हुन् ।
उनले विभिन्न ठूला मुद्दाहरूको अनुसन्धान निष्पक्ष ढंगबाट गर्न प्रहरीलाई निर्देशन दिएका छन् । निरीक्षणपछि गृहमन्त्री अर्यालले संचारकर्मीसँग राजनीतिक दबाबका कारण रोकिएका फाइलहरू अघि बढ्ने र सबै फाइलको ‘ब्रेक थ्रू’ हुने बताए ।
शान्ति सुरक्षा र सुशासन कायम गर्दै आगामी चुनाव सम्पन्न गर्न पनि राजनीतिक कनेक्सनका फाइल खोल्नुपर्ने उनले बताए । सीआईबी प्रमुखमा केही दिनअघि मात्रै सरकारले एआईजी मनोज केसीलाई ल्याएको छ ।
