काठमाडौं । राजसंस्था पुनस्थापनाका लागि संयुक्त जनआन्दोलन समितिका प्रवक्ता स्वागत नेपाल हिरासतबाट छुटेका छन् । प्रदर्शनस्थलमा नदेखिएको भन्दै प्रहरीले उनलाई हाजिरी जमानीमा छाडेको हो ।
नेपालसहित सेफर्ड लिम्बु र सन्तोष तामाङ ३ जनालाई गत शुक्रबार उनलाई प्रहरीले पक्राउ गरेको थियो । काठमाडौँको तीनकुनेमा भएको हिंसात्मक आन्दोलनपछि पक्राउ परेका राप्रपा वरिष्ठ उपाध्यक्ष रवीन्द्र मिश्र र महामन्त्री धवलशमशेर राणालाई भने म्याद थपका लागि अदालत लगिएको छ ।
