काठमाडौं । प्रहरीको खोजी सूचीमा रहेका राजावादी समूहका कमाण्डर दुर्गा प्रसाईंले आफू नभागेको तर काठमाडौँकै मन्दिरमा सुरक्षित भएर बसेको बताएका छन् ।
प्रसाईंले फेसबुकमार्फत भिडियो सन्देश जारी गर्दै आफूलाई मार्ने योजना बुनेको थाहा पाएपछि शुक्रबार प्रहरी घेरा तोडेर ज्यान जोगाएको स्पष्टीकरण दिएका हुन् ।
गत शुक्रबार चैत १५ गते काठमाडौंको तीनकुनेमा राज्यले आफूलाई मार्ने उद्देश्यले हिंसा भड्काएको र दमन गरेको उनले आरोप लगाएका छन् । उनले आफूजति प्रहरी र दिनदुखीलाई माया गर्ने मान्छे कोही नभएको पनि बताएका छन् ।
निजी घरको छतमा प्रहरी जाँदा अवस्था बिग्रेको उनको भनाइ छ । सो दिन तीनकुनेमा आफ्नो कानको छेउबाट गोली गएको उनले बताएका छन् ।
