विराटनगर । प्रतिनिधिसभाको लेखा समिति सभापति ऋषिकेश पोखरेलकी श्रीमती अञ्जला कोइराला अदालतमा हाजिर भएकी छिन् । सहकारी ठगी प्रकरणमा संलग्न रही फरार भएकी कोइराला आज मोरङ जिल्ला अदालतमा उपस्थित भएकी हुन् ।
मोरङको उमागौरी सहकारी संस्थाको रकम अपचलनमा संलग्न रहेको आरोप लागेकी कोइरालाआज बयानका लागि जिल्ला अदालत विराटनगरमा उपस्थित भएकी हुन् ।
गत मंसिर २७ गते जिल्ला सरकारी वकिलको कार्यालय मोरङले सहकारीको करिब २२ करोड रुपैयाँ हिनामिना प्रकरणमा अञ्जलासहितका प्रतिवादीहरू विरुद्ध मुद्दा दायर गरेपछि कोइराला फरार भएकी थिइन् ।
उनीसहित २५ जनाविरुद्ध उच्च अदालतले पक्राउ पुर्जी जारी गरेको थियो । कोइराला विराटनगरस्थित महेन्द्र रात्रि माध्यमिक विद्यालयकी शिक्षक हुन् ।
