काठमाडौं । नेपाली बजारमा सुनको मूल्यले पुनः नयाँ रेकर्ड बनाएको छ । आज छापावाल सुनको मूल्य एकैदिन २ हजार रुपैयाँले बढेर प्रतितोला एक लाख ६४ हजार ४०० रुपैयाँमा कारोबार भएर नयाँ रेकर्ड बनाएको हो ।
हिजो बिहीबारको रेकर्ड ब्रेक गर्दै छापावाल सुनले नयाँ रेकर्ड बनाएको हो । बिहीबार छापावाल सुन एक लाख ६२ हजार ४०० रुपैयाँमा कारोबार भएको थियो ।
आज चाँदीको मूल्य ३० रुपैयाँ बढेर एक हजार ९८० रुपैयाँमा करोबार भइरहेको छ । हिजो बिहीबार चाँदी प्रतितोला एक हजार ९५० रुपैयाँमा कारोबार भएको थियो ।
