६,असार, काठमाडौ- तराई मधेस लोकतान्त्रिक पार्टी अर्थात तमलोपाको पहिलो राष्ट्रिय महाधिवेशन आजदेखि सुरु हुँदै छ । नवलपरासीको रामग्राममा ३ दिनसम्म चल्ने छ ।
महाधिवेशनका लागि काठमाण्डौं उपत्यकाका तीन जिल्लासहित २५ जिल्लाबाट एक हजार प्रतिनिधि र चार सय पर्यवेक्षक रामग्राम पुगेका छन् ।
महाधिवेशनमा उपस्थितिका लागि प्रधानमन्त्री केपी शर्मा ओलीसहित दलका सबै नेतालाई निम्ता पठाईएको तमलोपाले जनाएको छ । महाधिवेशनमा विदेशी प्रधिनिधि पनि सहभागि हुने छन् ।
२०६४ सालमा स्थापना भएको तमलोपाले पहिलो पल्ट महाधिवेशन गर्न लागेको हो । महाधिवेशनले विधान संशोधन तथा परिमार्जन गर्दै नीति तथा कार्यक्रम पारित गर्ने छ ।
