![मन्त्रिपरिषद्को बैठक](https://i0.wp.com/nepalpatra.com/wp-content/uploads/2023/05/Cabinet-Meeting_Mantriparishad-Baithak-Singhadurbar-2-1.jpg?fit=1024%2C683&ssl=1)
काठमाडौँ । मन्त्रिपरिषद्को बैठक आज बस्दै छ । मन्त्रिपरिषद्को बैठक आज बिहान साढे ८ बजे सिंहदरबारमा बस्ने प्रधानमन्त्री पुष्पकमल दाहाल ‘प्रचण्ड’ को सचिवालय स्रोत जानकारी दिएको हो ।
आज बस्ने मन्त्रिपरिषद् बैठकमा नियमित कार्यसूचीमाथि छलफल हुने छ । हिजो मंगलबार प्रचण्ड नेतृत्वको सरकारले पूर्णता पाएपछि पहिलो पटक मन्त्रिपरिषद् बैठक बस्न लागेको हो ।
यद्यपि नवनियुक्त मन्त्रीहरू आजको मन्त्रिपरिषद बैठकमा सहभागी हुने छैनन् । हिजो जसपाबाट वीरेन्द्रप्रसाद महतो वन तथा वातावरणमन्त्री र प्रमिला कुमारी शिक्षा राज्यमन्त्री मंगलबार नियुक्त भएका थिए ।
उनीहरुको आजै साढे ९ बजे राष्ट्रपति भवन शीतल निवासमा पद तथा गोपनीयताको शपथ लिँदैछन् । हिजो पनि मन्त्रिपरिषद्को बैठक बसेर विभिन्न निर्णय गरेको थियो ।