काठमाडौं । आगामी वैशाख १० गते हुने उपनिर्वाचनका लागि आज उम्मेदवारको अन्तिम नामावली प्रकाशन हुँदै छ भने आजै चुनाव चिह्न समेत वितरण गरिनेछ ।
निर्वाचन आयोगले आज बिहान ९ बजेदेखि दिउँसो १ बजेसम्म उम्मेदवारी फिर्ता लिन इच्छुकका लागि समय तोकिएको जनाएको छ । त्यसपछि उम्मेदवारको अन्तिम नामावली प्रकाशन गरिनेछ ।
आज चुनाव चिह्न वितरण भएपछि उपनिर्वाचनको प्रसार-प्रसार सुरु हुनेछ । आगामी वैशाख १० गते चितवन–२, तनहुँ–१ र बारा–२ मा उपनिर्वाचन हुँदैछ । मतदानको लागि बिहान ७ बजेदेखि साँझ ५ बजेसम्म समय तोकिएको छ ।
