फाइल फोटो
काठमाडौं । प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद् पुनर्गठन गरेका छन् । प्रधानमन्त्री प्रचण्डले नेपाली कांग्रेस, जनता समाजवादी पार्टी लगायतका दललाई मिलाएर आज शुक्रबार मन्त्रिपरिषद् विस्तार गरेका हुन् ।
प्रधानमन्त्री प्रचण्डले आज शुक्रबार शपथ लिने मन्त्रीहरुको टुंगो लगाएका हुन् । यद्यपि केही मन्त्रालय र व्यक्तिबारे अझै छलफल जारी रहेकोले अन्तिम रुप दिएर मन्त्रिपरिषद् विस्तार गर्ने प्रचण्डको तयारी रहेको छ ।
नेपाली काँग्रेसबाट को-को बने मन्त्री ?
प्रधानमन्त्री प्रचण्डले कांग्रेस सभापति शेरबहादुर देउवाको सिफारिसमा चार जना सांसद मन्त्री बन्ने भएका छन् ।
पूर्णबहादुर खड्का – उपप्रधान तथा रक्षामन्त्री
डा. प्रकाशशरण महत – अर्थमन्त्री
रमेश रिजाल – उद्योग वाणिज्य तथा आपूर्तिमन्त्री
सीता गुरुङ – शहरी विकासमन्त्री
जसपाबाट को बने मन्त्री ?
प्रधानमन्त्री प्रचण्डले जनता समाजवादी पार्टी (जसपा) का अध्यक्ष उपेन्द्र यादवको सिफारिसमा एक जना सांसद मन्त्री बन्ने भएका छन् ।
अशोक राई – शिक्षा विज्ञान तथा प्रविधिमन्त्री
एकीकृत समाजवादीबाट को-को बने मन्त्री ?
प्रधानमन्त्री प्रचण्डले एकीकृत समाजवादीको सिफारिसमा दुई जना सांसद मन्त्री बन्ने भएका छन् । ।
बेदुराम भुसाल – कृषि तथा पशुपक्षी विकासमन्त्री
प्रकाश ज्वाला – भौतिक पूर्वाधार तथा यातायातमन्त्री
माओवादी केन्द्रबाट को-को बने मन्त्री ?
शक्ति बस्नेत – ऊर्जा, जलस्रोत तथा सिंचाइ मन्त्री
नारायणकाजी श्रेष्ठ – उपप्रधानमन्त्री एवं गृहमन्त्री (भौतिक पूर्वाधारमन्त्रीबाट गृहमन्त्री – जिम्मेवारी हेरफेर)
रेखा शर्मा – सञ्चार तथा सूचना प्रविधिमन्त्री (निरन्तरता)
सुदन किराती – पर्यटन तथा नागरिक उड्डयनमन्त्री (निरन्तरता)
अमनलाल मोदी – संघीय मामिला तथा समान्य प्रशासनमन्त्री (निरन्तरता)
लोसपाबाट को बने मन्त्री ?
शरदसिंह भण्डारी – श्रम तथा रोजगारमन्त्री
नागरिक उन्मुक्ति पार्टीबाट को बने मन्त्री ?
रञ्जिता श्रेष्ठ – भूमि व्यवस्था, सहकारी तथा गरिबी निवारणमन्त्री
नेपाल समाजवादी पार्टीबाट को बने मन्त्री ?
महिन्द्र राय यादव – महिला बालबालिका तथा जेष्ठ नागरिक मन्त्री
