फाइल फोटो 
काठमाडौँ । नेपाली काँग्रेसको संसदीय दल कार्यसमितिको बैठक आज बस्दै छ । काँग्रेसको संसदीय दल कार्यसमितिको बैठक आज बिहीबार बिहान ९ बजे बस्ने भएको हो ।
आगामी माघ २३ गते बस्ने राष्ट्रिय सभा बैठकले उपाध्यक्ष चयन गर्ने भएकोले काँग्रेसले राष्ट्रियसभा उपाध्यक्षको चुनावबारे छलफल गर्न बैठक बोलाएको हो । राष्ट्रियसभाकी तत्कालीन उपाध्यक्ष शशीकला दाहालको कार्यकाल २०७८ फागुन २० गते सकिएको थियो ।
सत्ता गठबन्धनको तर्फबाट माओवादी केन्द्रले राष्ट्रियसभा उपाध्यक्षका लागि उम्मेदवारी दिने भएको छ । काँग्रेसले उम्मेदवारी दिने वा नदिने भन्ने बारेमा भोलि बस्ने बैठकले टुंगो लगाउने बताइएको छ ।
