फाइल फोटो
काठमाडौं । नेकपा (माओवादी केन्द्र) को बैठक जारी रहेको छ । प्रधानमन्त्री तथा पार्टी अध्यक्ष प्रचण्डको अध्यक्षतामा आज बिहीबार दिउँसो पार्टी कार्यालय पेरिसडाँडामा बैठक जारी रहेको हो ।
जारी बैठकमा पूर्वसभामुख अग्नि सापकोटा पनि सहभागी भएका छन् । सभामुखको पदावाधि सकिएपछि पहिलोपटक बैठकमा सहभागी सापकोटालाई माओवादी केन्द्रले उपाध्यक्ष बनाउने तयारी गरेको छ ।
जारी बैठकमा पार्टी संगठन विकास र विस्तार लगायतका समसामयिक विषयमा छलफल भइरहेको छ । बैठकमा केही दलहरूसँग भइरहेको एकता प्रयास र अहिलेसम्मका उपलब्धिबारे पनि छलफल जारी रहेको छ ।
बैठकमा सरकारको प्रभावकारिता, पार्टीका विभाग र भ्रातृ संघसंगठनको पुनः गठन लगायतका विषयमा छलफल भइरहेको छ । बैठकले पार्टी केन्द्रीय समितिको बैठकको मिति पनि तोक्नेछ ।
