काठमाडौं । नेपाली कांग्रेसका सांसद टेक प्रसाद गुरुङ निलम्बित भएका छन् । भ्रष्टाचारसम्बन्धी मुद्दामा विशेष अदालतबाट दोषी ठहर भएका गुरुङ निलम्बित भएसंगै प्रतिनिधिसभा बैठकमा भाग लिन नपाउने भएका छन् ।
संघीय संसद सचिवालयले आज मंगलबार एक सूचना जारी गरी गुरुङविरुद्ध भ्रष्ट्राचार मुद्दा विचाराधीन रहेकाले स्वतः निलम्बनमा रहेको जानकारी दिएको हो । यद्यपि यसअघि गुरुङले प्रतिनिधिसभा सदस्यको हैसियतमा पद तथा गोपनीयताको शपथ भने लिएका थिए ।
