काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले उम्मेदवारी दर्ता गरेका छन् । उनले काठमाडौं क्षेत्र नम्बर १ बाट उम्मेदवारी दर्ता गराएका हुन् ।
उम्मेदवारी दर्ता गर्नुअघि उनले काठमाडौं क्षेत्र नं १ को प्रसिद्ध शक्तिपीठ कालिकास्थान मन्दिरमा पूजा गरेर आशिर्वाद लिएका थिए । उनले आज दिउँसो मनोनयन केन्द्र, वीरेन्द्र अन्तर्राष्ट्रिय सम्मेलन केन्द्र, नयाँ वानेश्वरमा उपस्थित पुगेर मनोनयन दर्ता गरेका हुन् ।
अघिल्लो निर्वाचनमा उनी विवेकशील साझा पार्टीबाट सोही क्षेत्रमा उम्मेदवार बनेपनि काँग्रेसका प्रकाशमान सिंहसँग पराजित भएका थिए । अहिले पनि उनको भिडन्त काँग्रेस नेता सिंहसंगै हुने भएको छ ।
