काठमाडौ । प्रतिनिधिसभाको आजको बैठकमा राष्ट्रपतिबाट पुनःविचारका लागि फिर्ता भई राष्ट्रियसभाबाट पारित नेपाल नागरिकता (पहिलो संशोधन विधेयक) २०७९ प्रस्तुत भएको छ ।
राष्ट्रियसभाको शुक्रबारको बैठकले सो विधेयक पारित गरी प्रतिनिधिसभामा फिर्ता पठाएको जानकारी प्रतिनिधिसभाका सचिव गोपालनाथ योगीले बैठकलाई गराए ।
राष्ट्रियसभाले सो विधेयकमा कुनै संशोधन नगरी पारित गरेको थियो । राष्ट्रियसभाको सन्देशको जानकारी प्राप्त भएसँगै सभामुखले प्रमाणित गरेर राष्ट्रपतिसमक्ष पठाउने बाटो खुलेको छ ।
