काठमाडौं । प्रमुख सत्तारुढ दल नेपाली कांग्रेसका नेता प्रदीप गिरिको स्वास्थ्य अवस्था गम्भीर बनेको छ । ललितपुरको नख्खुस्थित मेडिसिटी अस्पतालमा उपचाररत गिरिको स्वास्थ्य अवस्था थप जटिल भएकोले आईसीयूबाट आज भेन्टिलेटरमा सारिएको हो ।
भारतको मुम्बईमा घाँटीको क्यान्सरको उपचार गराएर नेपाल फर्किएका उनी सामान्य न्युमोनिया देखिएपछि मेडिसिटी अस्पताल भर्ना थिए । अस्पतालले सुरुमा उनको स्वास्थ्य अवस्थामा सुधार आएको बताएको थियो ।
तरअहिले उनको स्वास्थ्य निरन्तर बिग्रिएर जटिल अवस्थामा पुगेको हो । पारिवारिक स्रोतका अनुसार हिजो बिहीबार नै गिरिको डायलासिस गरिएको थियो । कांग्रेस नेता बिमलेन्द्र निधिले सामाजिक संजाल ट्वीटमार्फत गिरिको स्वास्थ्य अवस्था थप जटिल बनेको जानकारी दिएका छन् ।
उनले लेखेका छन्, ‘आदरणीय मेरा अग्रजभ्रातातुल्य मित्र,समाजवादी, गांधीवादी, विचारक,योद्धा, नेपाली काँग्रेसका नेता प्रदिप गिरि लाई मेडिसिटिमा दोस्रोपटक हेरेर बाटोमा फर्कदै छु। स्तब्ध र निरिह छु। ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!’
आदरणीय मेरा अग्रजभ्रातातुल्य मित्र,समाजवादी, गांधीवादी, विचारक,योद्धा, नेपाली काँग्रेसका नेता प्रदिप गिरि लाई मेडिसिटिमा दोस्रोपटक हेरेर बाटोमा फर्कदै छु। स्तब्ध र निरिह छु। ईश्वरीय चमत्कारको लागि प्रार्थना गर्दछु – सबैले प्रार्थना गरौं !!!
— Bimalendra Nidhi (@BimalendraNidhi) August 19, 2022
