![मनोजकुमार साह](https://i0.wp.com/nepalpatra.com/wp-content/uploads/2022/05/manoj-kumar-sah-janakpur1.jpg?fit=844%2C417&ssl=1)
जनकपुर । धनुषा जिल्लाको जनकपुरधाम उपमहानगरपालिकाको मेयरमा स्वतन्त्र उम्मेदवार मनोजकुमार साहले निर्वाचित भएका छन् । साहले १३ हजार ४६५ मत प्राप्त गरेर निर्वाचित भएका हुन् ।
उनका प्रतिस्पर्धी एमालेका शिवशङ्कर साह ९ हजार ५३२ मत प्राप्त गरेर दोस्रो स्थान हासिल गरेका छन् । यस्तै लोकतान्त्रिक समाजवादी पार्टीका मनोज चौधरी पाँच हजार ३६० मत प्राप्त गरी तेस्रो स्थानमा रहे ।
उपप्रमुखमा कांग्रेसका किशोरी साहले १५ हजार ५२५ मत प्राप्त गरेर निर्वाचित भएकी छन् । एमालेका रुना झाले १० हजार ८८५ मत पाएकी छन् ।