विराटनगर । गत शुक्रबार सम्पन्न स्थानीय तहको निर्वाचनअन्तर्गत मोरङको धनपालथान गाउँपालिकाको निर्वाचनको अन्तिम नतिजा आज सार्वजनिक भएको छ ।
प्रदेश निर्वाचन कार्यालय विराटनगरका अनुसार सो पालिकाको अध्यक्ष पदमा नेपाली कांग्रेसका जिवछप्रसाद गच्छदार छ हजार ३२९ मत प्राप्त गरी निर्वाचित भएका छन् । उनका निकटतम प्रतिद्वन्द्वी नेकपा (एमाले)का मुसहरु मण्डलले छ हजार ५८ मत प्राप्त गरेका छन् ।
उपाध्यक्षमा नेपाली कांग्रेसका नसिमा बानो छ हजार २८४ मत प्राप्त गरी विजयी भएका छन् भने उनका निकटतम प्रतिद्वन्द्वी एमालेका उपासी राजवंशीले पाँच हजार ७६७ मत प्राप्त गरेका छन् ।
