काठमाडौँ । काठमाडौँ महानगरपालिकामा प्रमुख पदका लागि स्वतन्त्र उम्मेदवार बालेन साहले लगभग दोब्बर मतको फराकिलो अग्रता कायमै राखेका छन् । ३९ हजार ५२० मतगणना हुँदा स्वतन्त्र उम्मेदवार साहले १५४०२ मत प्राप्त गरेर आफ्नो अग्रता कायम राख्दै १५ हजार मत भन्दा बढी मत ल्याएका हुन् ।
त्यसैगरी प्रमुख पदकै उम्मेदवार नेकपा (एमाले) का केशव स्थापितले ८२८८ र नेपाली कांग्रेसका सिर्जना सिंहले ७२९० मत पाएर केशवलाई पछ्याउँदै छिन् ।
हाल प्रदर्शनी मार्गस्थित राष्ट्रिय सभागृमा कामपाको मत गणना कार्य भइरहेको छ । अहिले वडा नम्बर ३, ४, ६, २९, ३०, ३१ र ३२ को मतगणना जारी रहेको छ ।
