विराटनगर । विराटनगर महानगरपालिकाको प्रमुख पदमा गठबन्धनको तर्फवाट साझा उम्मेदवार बनेका नेपाली कांग्रेसका नागेश कोइरालाले फराकिलो अग्रता कायमै राखेका छन् ।
विराटनगर महानगरमा अहिलेसम्म ४६ हजार ९६१ मतगणना हुँदा नेपाली कांग्रेसका महानगर प्रमुख पदका उम्मेदवार कोइरालाले १४९४४, नेकपा (एमाले) का सागर थापाले ११३१२ र स्वतन्त्र उम्मेदवार (लाल्टिन) का उमेश यादवले ४६८२ मत प्राप्त गरेका छन् ।
यसैगरी, उपप्रमुख पदमा एमालेकी शिल्पा कार्कीले १२९२७ मत प्राप्त गरी आफ्ना अग्रता कायम राखेकी छन् भने गठबन्धनका जनता समाजवादी पार्टी नेपालका अमरेन्द्र यादवले ७७७८, राप्रपाका विन्दाकुमारी लुइँटेल ३६९९ र स्वतन्त्र उम्मेदवार नमिता न्यौपानेले २७०४ मत प्राप्त गरेकी छन् ।
