डोल्पा । सत्तारुढ दल नेकपा (माओवादी केन्द्र) ले स्थानीय तहको भएको निर्वाचनमा भौगोलिक क्षेत्रफलका आधारमा नेपालकै ठूलो जिल्ला डोल्पाबाट खाता खोलेको छ ।
डोल्पाको जगदुल्ला गाउँपालिकाको अध्यक्षमा माओवादी केन्द्रका नरसिंह रोकाय विजयी भएका छन् । माओवादी केन्द्रका रोकायले ७७० मत पाएर विजयी भएका हुन् भने उनका प्रतिद्वन्द्वी नेकपा एमालेका हेमबहादुर महताराले ७४६ मत प्राप्त गरेका छन् ।
यस्तै उपाध्यक्षमा माओवादी केन्द्रकै अमृता बोहरा विजयी भएकी छन् । उनले ७५९ मत ल्याएकी छन् भने उनकी प्रतिद्वन्द्वी एमालेकी चन्द्रावति थापाले ७४९ मत प्राप्त गरेकी छन् ।
जगदुल्लामा गठबन्धनका दलहरु कांग्रेस, एमाले र एकीकृत समाजवादीले माओवादीविरुद्ध तालमेल गरेका थिए ।
