काठमाडौं । प्रमुख प्रतिपक्षी दल नेकपा एमालेले काठमाडौं महानगरको मेयरमा केशब स्थापितलाई अघि सार्ने तयारी गरेको छ ।
एमोलेले मेयरमा अहिलेका मेयर विद्यासुन्दर शाक्य, पूर्वमन्त्री एवम् प्रतिनिधिसभा सदस्य रामवीर मानन्धर, केशब स्थापित, निर्मला देउला र ईन्दिरा पन्तसहित पाँच जनाको नाम सिफारि गरेको छ ।
एमाले महानगर कमिटिको गत बुधबार बसेको बैठकले यी पाँच जनाको नाम मेयरमा सिफारिश गरेको थियो ।
तर, पछिल्लो समय एमाले नेतृत्वले भने मेयरमा यसपटक स्थापितलाई अघि सार्ने तयारी गरेको विशेष सुत्रले जनाएको छ । स्थापित काठमाडौं महानगरमा निकै नै चर्चित छन् ।
