फाइल फोटो
काठमाडौं । परराष्ट्रमन्त्री नारायण खड्का र भारतका विदेशमन्त्री डा. एस जयशंकरबीच भेटवार्ता भएको छ । दुई समकक्षीबीच श्रीलंकामा जारी बिम्स्टेकको १८औँ मन्त्रिस्तरीय बैठकका क्रममा ‘साइडलाइन’ भेटवार्ता भएको परराष्ट्रमन्त्री सचिवालयले जानकारी दिए ।
उक्त भेटघाटमा कनेक्टिभिटी, ऊर्जा, मल र स्वास्थ्यको विषयमा छलफल भएको बताइएको छ । ‘रामायण सर्किट’लाई अगाडि बढाउने विषयमा पनि छलफल भएको थियो ।
