भैरहवा । नेकपा एमालेका नेता ओमप्रकाश यादव जनता समाजवादी पार्टी (जसपा)मा प्रवेश गरेका छन् ।
जसपा जिल्ला समन्वय समिति, रुपन्देहीले आयोजना गरेको जनसभा तथा पार्टी प्रवेश कार्यक्रममा एमाले परित्याग गर्दै पूर्व कृषि राज्यमन्त्री समेत रहेका यादव जसपामा प्रवेश गरेका हुन् ।
एक नेताका अनुसार नेपाली काँग्रेसका नेता सन्तोष श्रीवास्तव, जनमत पार्टी रुपन्देहीका संगठन विभाग प्रमुख निधिलाल निसाद, एमाले जिल्ला सदस्य पदम थापा मगरसहित तीन सय जना जसपामा प्रवेश गरेका छन् । उनीहरुलाई जसपाका अध्यक्ष उपेन्द्र यादवले पार्टीमा स्वागत गरे ।
