फाइल फोटो
नुवाकोट । नेकपा (एकीकृत समाजवादी) का अध्यक्ष माधवकुमार नेपालले शक्तिको उचित मूल्यांकन गर्दै बस्तुवादी भएर संयमता अपनाउँदै दलहरूसँग चुनावी सहकार्य गरिने बताएका छन् ।
पुर्वप्रधानमन्त्री समेत रहेका अध्यक्ष नेपालले सत्तागठबन्धनलाई चुनावसम्म कायम राख्ने दावी गरे। उनले नुवाकोटमा मंगलबार आयोजित कार्यक्रममा यस्तो बताएका हुन् ।
अध्यक्ष नेपालले अरूलाई पनि हामी र हामीलाई पनि अरू आवश्यक छ भन्ने सन्देशका साथ चुनावी तालमेल गर्न लागेका बताए। उनले आफ्नै बलमा चुनाव उठ्नका लागि पार्टी कमिटीहरू निर्माण र सक्रिय गराइएको पनि बताए ।
