सुर्खेत । कर्णाली प्रदेश सभा सदस्य ठम्मर विष्ट एमाले प्रवेश गर्ने भएका छन् । माओवादी केन्द्रबाट प्रदेश सभा सदस्य भएका उनी आइतबार दिउँसो साढे १२ बजेबाट सुरू हुने एमालेको बृहत कार्यकर्ता भेलाबाट प्रवेश गर्न लागेका हुन् ।
एक नेताका अनुसार विष्टलाई एमालेका वरिष्ठ उपाध्यक्ष ईश्वर पोखरेलले पार्टीमा स्वागत गर्ने कार्यक्रम रहेको छ । विष्टले केही दिनअघि संसद, संसदीय दल र पार्टीबाट राजीनामा दिएका थिए ।
