काठमाडौं । सत्ता साझेदार जनता समाजवादी पार्टीका अध्यक्ष उपेन्द्र यादवले स्थानीय तहमा पार्टीलाई प्रभावकारी बनाउन भूमिका खेल्न नेता तथा कार्यकर्तालाई निर्देशन दिएका छन् ।
अध्यक्ष यादवले प्रत्येक केन्द्रीय सदस्यलाई आफ्नो कार्य क्षेत्रमा उपस्थित भएर आगामी स्थानीय निर्वाचनमा पार्टीलाई जिताउने अभियान सुरु गर्न निर्देशन दिएका हुन् ।
सोमबार बसेको जसपा केन्द्रीय कमिटीको बैठकमा उनले यस्तो निर्देशन दिएका हुन्। अध्यक्ष यादवले गाउँ, नगर, वडालगायत पार्टीका विभिन्न तहसँग समन्वय गरेर पार्टीलाई अझै प्रभावकारी बनाउनुपर्नेमा जोड दिए ।
