काठमाडौँ । प्रमुख प्रतिपक्ष दल नेकपा एमालेका नेता एवं सांसद भिम रावलले अमेरिकी सहयोग परियोजना मिलेनियम च्यालेञ्ज कर्पोरेशन (एमसिसी) सम्झौता प्रतिनिधिसभामा छलफलका लागि पेश गरिनु आपत्तिजनक भएको बताएका छन् ।
अर्थमन्त्री जनार्दन शर्माले एमसिसी सम्झौता संसदवाट पारित गर्न छलफलका लागि पेश गरेपछि उक्त छलफलमा भाग लिंदै नेता रावलले नेपाललाई उपनिवेश बनाउन खोजिएको बताए । रावलले एमसीसीका समर्थक सबै राष्ट्रिय गद्दार भएको आरोप समेत लगाएका छन् ।
सत्ता गठबन्धनको आज बिहान बसेको बैठकले एमसिसी सम्झौता व्याख्यात्मक घोषणासहित संसद्बाट अनुमोदन गर्ने निर्णय गरेपछि बसेको कार्यव्यवस्ता परामर्श समितिको बैठकले एमसीसी सम्झौता कार्यसूचीमा समावेश गरेको थियो ।
आज प्रतिनिधिसभाका दुई वटा बैठक राखेर सरकारले एमसीसी अनुमोदन गर्ने तयारी गरेको हो । पहिलो बैठकमा एमसीसी छलफलका लागि पेश गर्ने र दोस्रो बैठकले अनुमोदन गर्ने रणनीति सरकारले अवलम्वन गरेको हो ।
