काठमाडौँ । नेपाली काँग्रेसका महामन्त्री गगन थापाले संविधान र लोकतन्त्रको मर्म विपरीत हिँड्ने छुट कसैलाई नभएको स्पष्ट बताएका छन् ।
सामाजिक संजाल ट्वीटरमा आज बिहान लेख्दै महामन्त्री थापाले सबैले सदैव हेक्का राख्नु पर्दछ भन्दै संविधान र लोकतन्त्रको मर्म विपरीत हिँड्ने छुट कसैलाई नभएको बताएका हुन् ।
थापाले वैशाख ३० गते स्थानीय तहको निर्वाचन गर्ने सरकारको निर्णय उपयुक्त हुनुको साथै संविधानको मर्म अनुरूप भएको बताउदै स्थानीय तह रिक्त हुन्छ की भन्ने आशंका हटेको उल्लेख गरेका छन् ।
निर्वाचन टार्ने गरी भएका अनेकन बहस अब सकिएको पनि थापाले बताएका छन् । सरकारले स्थानीय तहको निर्वाचनको मिति घोषणा गरेपछि महामन्त्री थापाको यस्तो प्रतिक्रिया बाहिर आएको हो ।
यसअघि प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ र नेकपा (एकीकृत समाजवादी) का अध्यक्ष माधव नेपालले कानून संसोधन गरेर स्थानीय निर्वाचनको मिति सार्ने कुरामा छलफल गर्दा थापाले बिरोध गर्दै आएका थिए ।
उनले लेखेका छन्, ‘वैशाख ३० गते स्थानीय तहको निर्वाचन गर्ने सरकारको निर्णय उपयुक्त छ,संविधानको मर्म अनुरूप छ । स्थानीय तह रिक्त हुन्छ की भन्ने आशंका हटेको छ । अनि निर्वाचन टार्ने गरी भएका अनेकन बहस अब सकिएका छन् । सबैले सदैव हेक्का राख्नु पर्दछ-संविधान र लोकतन्त्रको मर्म विपरीत हिँड्ने छुट कसैलाई छैन ।’
वैशाख ३० गते स्थानीय तहको निर्वाचन गर्ने सरकारको निर्णय उपयुक्त छ,संविधानको मर्म अनुरूप छ।स्थानीय तह रिक्त हुन्छ की भन्ने आशंका हटेको छ।अनि निर्वाचन टार्ने गरी भएका अनेकन बहस अब सकिएका छन्। सबैले सदैव हेक्का राख्नु पर्दछ-संविधान र लोकतन्त्रको मर्म विपरीत हिँड्ने छुट कसैलाई छैन ।
— Gagan Thapa (@thapagk) February 8, 2022
