२ बैशाख, काठमाडौं । प्रधानमन्त्री केपी शर्मा ओली र पुष्पकमल दाहाल प्रचण्डवीच आइतबार भेटवार्ता गर्ने भएको छ ।
रारा पर्यटन महोत्सववाट आइतबार मध्याह्न मात्र राजधानी फर्किएका प्रधानमन्त्री ओली र प्रचण्डवीच बैठकको तयारी भइरहेको एमाले संसदीय दलका उपनेता सुवासचन्द्र नेम्वाङले जानकारी दिए ।
तर, बैठकको समय भने यकिन हुन सकेको छैन ।
प्रधानमन्त्री ओली र प्रचण्डवीच छलफल भएपश्चात् पार्टी एकता संयोजन समितिको बैठक बस्ने तयारी छ । ‘प्रधानमन्त्री रारा महोत्सववाट भर्खरै काठमाण्डौ आइपुग्नुभएको छ । उहाँहरु वीच छलफल भएपछि एकता संयोजन समितिको बैठक बस्ने मिति तय हुन्छ’, नेम्वाङले भने ।
