काठमाडौं । संस्कृति पर्यटन तथा नागरिक उड्डयन मन्त्री प्रेम आलेले नारायणहिटी संग्रहालयभित्र रेष्टुरेन्ट सञ्चालन गर्न भन्दै बतास समूहले बनाएका भौतिक संरचना हटाउन तीन दिनको समय दिएका छन् ।
मन्त्री आलेले बिहीबार बतास अर्गनाइजेसनलाई निर्देशन दिएका हुन्। मन्त्री आलेले पालना नभए आफैं गएर भत्काउने चेतावनीसमेत दिएका छन् । मन्त्री आलेले नारायणहिटी परिसरमा रेष्टुरेण्ट बनाउन दिने निर्णय गलत भएको भन्दै त्यसबारे छानविन गर्न छानविन नै गठन गरिसकेका छन् ।
बिहीबार मन्त्रिस्तरीय निर्णय गर्दै मन्त्री आलेले सहसचिव होमप्रसाद लुइँटेलको संयोजकत्वमा चार सदस्यीय छानविन समिति गठन गरेका हुन् ।
