काठमाडौं । प्रधानमन्त्री शेरबहादुर देउवाले बोलाएको सर्वदलीय बैठक बस्नुअघि सत्ता गठबन्धनको बैठक बस्ने भएको छ । सर्वदलीय बैठकमा पेश हुने एजेन्डाको बारेमा साझा धारणा बनाउन सत्ता गठबन्धनको बैठक बस्न लागेको हो ।
प्रधानमन्त्री देउवाले बोलाएको आज आइतबार अपराह्न ४ बजेका लागि प्रधानमन्त्री देउवाले बैठक बोलाएको बैठक बस्नुअघि दिउँसो ३ बजे बालुवाटारमै सत्ता गठबन्धनको बैठक बस्न लागेको हो ।
प्रधानमन्त्री देउवाले आज आइतवार बोलाएको सर्वदलीय बैठकमा नेकपा (एकीकृत समाजवादी) पार्टीका अध्यक्ष माधव नेपाल सहभागी हुने सर्वदलीय बैठकमा नेकपा एमालेका अध्यक्ष केपी ओली नजाने भएका छन् ।
सभामुखको भूमिका र सर्वदलीय बैठकमा नेकपा एकीकृत समाजवादी (एस) को सहभागिताको विषयमा आपत्ती जनाउँदै एमालले सर्वदलीय बैठक बहिष्कार गर्दै आएको छ। एमाले बैठकमा सहभागी नहुने भएपछि सर्वदलीय बैठक औपचारिकतामा मात्र सिमित हुने देखिएको छ ।
आज आइतबार अपराह्न ४ बजेका लागि प्रधानमन्त्रीको सरकारी निवास बालुवाटारमा प्रधानमन्त्री देउवाले बैठक बोलाएको सर्वदलीय बैठक बस्ने भएको हो । सर्वदलीय बैठकमा प्रतिनिधिसभामा प्रतिनिधित्व गर्ने राजनीतिक दलका शीर्ष नेता र पूर्वप्रधानमन्त्रीहरुलाई समेत बोलाइएको छ ।
प्रमुख प्रतिपक्ष दल नेकपा एमालेले निरन्तर संसद अवरोध गरेको कारण संसदको नियमित कामकारबाही सुचारु रुपले संचालन हुन नसकेकोले उक्त गतिरोध अन्त्य गरेर संसद्लाई सुचारु गर्न प्रधानमन्त्री देउवाले पहल शुरु गर्न लागेका हुन् ।
गत शुक्रबार बिहान प्रधानमन्त्री देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’बीच भएको भेटवार्तामा सर्वदलीय बैठक बोलाउने विषयमा छलफल भएको थियो । बालुवाटारमा भएको भेटवार्तामा संसदमा भइरहेको अवरोध हटाउन तथा एमसीसी लगायतका विषयमा छलफल गर्न सर्वदलीय बैठक बोलाएर अघि बढ्नुपर्ने विषयमा दुई नेता सहमत भएका थिए ।
बालुवाटार विशेष स्रोतका अनुसार प्रधानमन्त्री देउवाले प्रतिनिधिसभा बैठक सञ्चालन र मिलेनियम च्यालेन्ज कर्पोरेसन (एमसीसी) सम्बन्धी सम्झौता अनुमोदनको विषयमा संसदमा भएका दलहरुसँग छलफल गर्न पनि लागेका हुन् ।
यो पनि पढ्नुहोस्
