काठमाडौं । नेपाली काँग्रेसको सभापतिमा निर्वाचित भएका शेरबहादुर देउवालाई महामन्त्रीका उम्मेदवार गगन थापाले बधाई दिएका छन् ।
सभापतिका अर्का प्रतिद्वन्दी उम्मेदवार डा. शेखर कोइरालालाई हराएर देउवा विजय भएका हुन् । सभापति देउवा प्रतिस्पर्धी डा. कोइरालालाई ८७८ मतान्तरले पाराजित गर्दै विजयी भएका हुन् ।
दोस्रो चरणको निर्वाचनको मतपरिणामअनुसार देउवाले २७३३ मत प्राप्त गरी विजयी भएका छन् भने उनका अध्यक्षका प्रतिद्वन्दी कोइरालाले १८५५ मत प्राप्त गरेका छन् ।
नेता थापाले आम कांग्रेसजनको एकताको अपेक्षालाई आत्मसात गर्दै पार्टीलाई थिति र विधिमा चलाउने परम्पराको शुरुआत गर्नु हुनेछ भन्ने अपेक्षा गरेको बताएका छन् ।
उनले सामाजिक संजालमा लेखेका छन्, “आदरणीय @SherBDeuba
ज्यू,पुन: सभापतिमा निर्वाचित हुनुभएकोमा हार्दिक बधाई! आम कांग्रेसजनको एकताको अपेक्षालाई आत्मसात गर्दै पार्टीलाई थिति र विधिमा चलाउने परम्पराको शुरुआत गर्नु हुनेछ भन्ने अपेक्षा गर्छु।समुन्नत नेपालको अभियान र पार्टी रुपान्तरणका मुद्दामा सहकार्य हुने नै छ।”
आदरणीय @SherBDeuba ज्यू,पुन: सभापतिमा निर्वाचित हुनुभएकोमा हार्दिक बधाई! आम कांग्रेसजनको एकताको अपेक्षालाई आत्मसात गर्दै पार्टीलाई थिति र विधिमा चलाउने परम्पराको शुरुआत गर्नु हुनेछ भन्ने अपेक्षा गर्छु।समुन्नत नेपालको अभियान र पार्टी रुपान्तरणका मुद्दामा सहकार्य हुने नै छ।
— Gagan Thapa (@thapagk) December 15, 2021
