काठमाडौँ । राष्ट्रिय प्रजातन्त्र पार्टी (राप्रपा) को अध्यक्षमा पराजित भएपछि कमल थापा एकदमै भावुक भएका छन् । सामाजिक संजाल ट्वीटरमा लेख्दै थापाले आफ्नो अन्तर्मन भित्र आफ्नो मान्यतामाथि गम्भीर प्रश्न चिन्ह खडा भएको स्वीकार गरेका छन् ।
उनले अहिले आफ्नो अन्तर्मन भित्र आफ्नो मान्यतामाथि गम्भीर प्रश्न चिन्ह खडा भएको अहिलेको अवस्थामा कवि राजेन्द्र थापाको कविता सम्झन मन लागेको बताएका छन् ।
राप्रपाको नवनिर्वाचित पदाधिकारी तथा केन्द्रीय सदस्यहरुको सपथ ग्रहण समारोहमा अध्यक्षमा पराजित थापा अनुपस्थित भएका छन् । सपथ ग्रहण समारोहमा निवर्तमान अध्यक्षद्धय पशुपतिशम्शेर जबरा र डा. प्रकाशचन्द्र लोहनी उपस्थित छन् ।
अध्यक्षमा पराजित थापाले नवनिर्वाचित पदाधिकारी तथा केन्द्रीय सदस्यहरुको सपथ ग्रहण समारोह बहिस्कार गरेका हुन् । थापालाई पराजित गर्दै राजेन्द्र लिङ्देन अध्यक्षमा निर्वाचित भएका थिए ।
उनले लेखेका छन्, ‘मेरो अन्तर्मन भित्र मेरो मान्यता माथि गंभीर प्रश्न चिन्ह खडा भएको अहिलेको अवस्थामा कवि राजेन्द्र थापाको यो कविता सम्झन मन लाग्यो : “पोहोर साल खुशी फाट्दा, जतन गरि मनले टाले; त्यहि साल माया फाट्यो, त्यसलाई पनि मनले टाले; यसपाली त मनै फाट्यो, केले सिउने केले टाल्ने हो ?”
मेरो अन्तर्मन भित्र मेरो मान्यता माथि गंभीर प्रश्न चिन्ह खडा भएको अहिलेको अवस्थामा कवि राजेन्द्र थापाको यो कविता सम्झन मन लाग्यो
"पोहोर साल खुशी फाट्दा
जतन गरि मनले टाले
त्यहि साल माया फाट्यो
त्यसलाई पनि मनले टाले
यसपाली त मनै फाट्यो
केले सिउने केले टाल्ने हो?"— Kamal Thapa (@KTnepal) December 5, 2021
