हेटौंडा । सत्तारुढ दल नेपाली कांग्रेस बागमती प्रदेश सभापति पदका लागि पुनः मतदान हुने भएको छ । पहिलो चरणमा भएको निर्वाचनमा सभापति पदका उम्मेदवारमध्ये कसैको पनि ५१ प्रतिशत मत नपुगेपछि पुनः मतदान हुने भएको हो ।
स्रोतका अनुसार पहिलो चरणमा भएको निर्वाचनमा इन्द्रबहादुर बानियाँले ९९२, जगदिश्वर नरसिंह केसीले ८७२ र भीमसेन दास प्रधानले १९७ मत पाएका छन् । अब दोस्रो चरणमा बानियाँ र केसीबीच पुनः निर्वाचन हुने छ ।
