काठमाडौं । सर्वोच्च अदालतका न्यायाधीशहरुको बैठकले प्रधानन्यायाधीश चोलेन्द्रशमशेर जबरालाई बहिर्गमनको लागि केही समय दिने निष्कर्ष निकालेको छ ।
चौतर्फी विरोधका वावजूद प्रधानन्यायाधीश चोलेन्द्र शमशेर जबरा आज आइतबार इजलासमा बसेपछि सर्वोच्चका न्यायाधीशहरुको बसेको बैठकले जबरालाई सम्मानजनक बहिर्गमनकै पक्षमा रहेको निष्कर्षमा निकालेका हुन् ।
आज आइतबार पनि इजलासमा नबसेका न्यायाधीशरुले भोलि सोमबार पनि मुद्दा नहेर्ने भएका छन् भने केही न्यायाधीश प्रधानन्यायाधीश जबरासँग अनौपचारिक छलफलमा समेत जुटेका छन् ।
उनीहरुले केही दिनदेखि इजलास बहिस्कार गर्दै आएका छन् । यसअघि बसेको न्यायाधीशहरुको बैठकले प्रधानन्यायाधीश जबरालाई राजीनामा दिएर मार्ग प्रशस्त गर्न आग्रह गरेको थियो ।
