फाइल फोटो
काठमाडौं । सत्तारुढ दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आगामी निर्वाचनसम्म सत्ता गठबन्धनलाई निरन्तरता दिने प्रस्ताव राखेका छन् ।
केन्द्रिय पार्टी कार्यालय पेरिसडाँडामा आज बसेको स्थायी कमिटी बैठकमा प्रचण्डले कुनैपनि हालतमा सत्ता गठबन्धनलाई आगामी चुनावसम्म नै निरन्तरता दिन प्रस्ताव राखेका हुन् ।
आज सोमबार बसेको बैठकमा सत्ता गठनबन्धनको सम्बन्ध, पार्टीको सांगठनिक विषय र मुख्यतः पार्टीको राष्ट्रिय सम्मेलन लगायत समसामयिक विषयमा छलफल भएको एक स्थायी कमिटी सदस्यले जानकारी दिए ।
अर्को बैठक भोलि बिहान पुनः बस्नेछ । माओवादी केन्द्रले आगामी कार्तिक १३ गते वडा र मङ्सिर ४ गते पालिकाहरुको सम्मेलन गर्ने तयारी गरेको छ । यस्तै पुस ११ गतेदेखि १३ गतेसम्म माओवादी केन्द्रले राष्ट्रिय सम्मेलन गर्दैछ ।
