काठमाडौँ । नेकपा एमालेका उपाध्यक्ष डा. भीम रावलले देउवा नेतृत्वको सरकारले दल विभाजनसम्बन्धी अध्यादेश ल्याएर संविधानको मर्म र जनताको आकांक्षा विपरीत काम गरेको आरोप लगाएका छन् ।
सामाजिक सञ्जाल ट्वीटरमा आज राती लेख्दै रावलले देउवा सरकारले निहित स्वार्थको लागि अध्यादेश ल्याएर देशलाई अस्थिर तुल्याउने खेल खेलेको टिप्पणी गरेका छन् ।
उनले विगतमा यस्तै अध्यादेशलाई अलोकतान्त्रिक भन्दै चर्को विरोध गर्नेहरू आज त्यही बाटोमा किन ? भनेर देउवा सरकारलाई समेत गरेका छन् । उनले २०५४ सालमा एमाले फुटाउदा देशमा द्वन्द्व चर्किएको हेक्का नरहेको किन ? भएर पनि प्रश्न गरेका छन् ।
उनले लेखेका छन्, ‘दल विभाजनसम्बन्धी अध्यादेश संविधानको मर्म र जनताको आकांक्षा विपरीत निहित स्वार्थको लागि देशलाई अस्थिर तुल्याउने खेल हो ।विगतमा यस्तै अध्यादेशलाई अलोकतान्त्रिक भन्दै चर्को विरोध गर्नेहरू आज त्यही बाटोमा किन ? २०५४ सालमा एमाले फुटाउदा देशमा द्वन्द्व चर्किएको हेक्का नरहेको किन ?’
दल विभाजनसम्बन्धी अध्यादेश संविधानको मर्म र जनताको आकांक्षा विपरीत निहित स्वार्थको लागि देशलाई अस्थिर तुल्याउने खेल हो।विगतमा यस्तै अध्यादेशलाई अलोकतान्त्रिक भन्दै चर्को विरोध गर्नेहरू आज त्यही बाटोमा किन? २०५४ सालमा एमाले फुटाउदा देशमा द्वन्द्व चर्किएको हेक्का नरहेको किन?
— Dr. Bhim Rawal (@BhimRawal179) August 17, 2021
