काठमाडौं । एमालेका वरिष्ठ नेता माधवकुमार नेपाललाई भेट्न माओवादी केन्द्रका अध्यक्ष पुष्पकमल दाहाल प्रचण्ड नेपाल निवास कोटेश्वर पुगेका छन् ।
बालुवाटारमा प्रधानमन्त्री शेरबहादुर देउवासँग भेटे लगत्तै प्रचण्ड नेता नेपाललाई भेट्न उनको निवास पुगेका हुन् ।
सत्तारुढ गठबन्धनले एमालेको नेपाल समूहलाई पनि सरकारमा सहभागी हुन आग्रह गरे पनि नेता नेपालले भने पार्टी एकताको प्रक्रिया चलिरहेकाले सरकारमा सहभागी हुनेबारे प्रष्ट कुरा राखेका छैनन् ।
