File Photo
काठमाडौँ । नेकपा एमाले उपाध्यक्ष वामदेव गौतम र उपप्रधानमन्त्री समेत रहेका एमाले नेता विष्णु पौडेलबीच गौतम निवास भैंसेपाटीमा चार घण्टा लामो छलफल भएको छ । गौतम र पौडेलबीच बिहान ९ बजेदेखि दिउसो १ बजेसम्म कुराकानी भएको बुझिएको छ ।
गौतमको सचिवालयले दिएको जानकारी अनुसार दुई नेताबीचको भेटवार्ता राजनीतिक भन्दा पनि व्यक्तिगत भनिएतापनि सोही क्रममा पार्टी विवाद र एकताबारे गहनतम छलफल भएको बुझिएको छ ।
पछिल्लो समय गौतम एमालेलाई एक बनाउने अभियानमा लागी परेका छन् । उनी एमालेको खनाल-नेपाल समूह निकट देखिएका छन् । ओलीले पटक-पटक ललिपप देखाएर झुक्याएकोले गौतम ओलीदेखि बिच्किएका हुन् । ओलीले गौतमलाई कहिले प्रधानमन्त्री त कहिले पार्टी अध्यक्ष बनाउने आश्वाशन दिएर कुरा मात्र गरी थाङनामा सुताइदिएका थिए ।
सर्वोच्च अदालतले हालै एमालेलाई २०७५ जेठ २ गते अगाडिको अवस्थामा फर्काउने गरी अन्तरिम आदेश दिएकोले उक्त आदेश अनुसार पार्टीमा जेठ २ गते अघिको स्थायी कमिटी वैठक बोलाउनुपर्ने पक्षमा गौतम रहेका छन् । पार्टी संस्थापनले सो बैठक बोलाएमा सहभागी हुने उनको तयारी छ ।
