काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीलाई संसदमै राजीनामा दिन आग्रह गरेका छन् । आज सोमबार संसदको बिशेष बैठकलाई सम्बोधन गर्दै प्रचण्डले सो कुरा बताएका हुन् ।
उनले संसदवाट विश्वासको मत प्राप्त नहुने र यो विश्वास स्वयं प्रधानमन्त्री ओलीलाई पनि नभएको आंकलन गरेका हुन् । उनले ओलीलाई राजीनामा दिएर नयाँ सरकार बनाउने मार्ग प्रशस्त गर्न समेत आग्रह गरेका हुन् ।
प्रचण्डले भने, ‘प्रधानमन्त्रीले विश्वासको मत प्राप्त गर्न सक्ने स्थिति छैन । प्रधानमन्त्रीले अघि मतको लागि आग्रह गर्नुभएको छ । तर उहाँलाई पनि राम्रोसँग थाहा छ, यो सदनले उहाँलाई विश्वासको मत दिँदैन । उहाँले बुझ्दाबुझ्दै पनि अपिल गर्नुभएको छ। यो उहाँको अपीललाई लोकतान्त्रिक प्रक्रियाको रुपमा सम्मान नै गर्न चाहन्छु ।’
