काठमाडौं । नेकपा एमालेले नेताद्वय घनश्याम भुसाल र सुरेन्द्र पाण्डेलाई कारबाही गर्दै उनीहरू दुवैलाई ६ महिनाका लागि पार्टीबाट निलम्वन गरेको हो । नेताद्वयले दिएको स्पष्टीकरण चित्तबुझ्दो नभएको भन्दै दुवै नेतालाई कारबाही गरिएको पत्र अध्यक्ष केपी शर्मा ओलीले पठाएका छन् ।
नेता भुसाल र पाण्डेले पेश गरेको स्पष्टीकरण चित्तबुझ्दो नभएको भन्दै ६ महिनाका लागि निलम्वन गरेका हुन् । एमालेको केन्द्रीय समितिले गत चैत ८ गते ४ जना नेतामाथि स्पष्टीकरण सोधेको थियो ।
पहिलोपटक सोधिएको स्पष्टीकरणमा पाण्डे र भुषालले जवाफ दिएका थिएनन् । यसअघि ओलीले नेता माधवकुमार नेपाल र भीम रावललाई पनि ६ महिनाका लागि निलम्बन गरेका थिए । सुरेन्द्र पाण्डे एमालेका स्थायी समिति सदस्य हुन्।
