फाइल फोटो
काठमाडौं । पूर्वप्रधानमन्त्री तथा जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले फुटेका हाँडीका टुक्रालाई टेपले टाँस्नु भन्दा नयाँ समाजवादी ध्रुवीकरणतिर लाग्नुपर्ने बताएका छन् ।
भट्टराईले आज विहान सामाजिक संजाल ट्वीटरमा पोष्ट गर्दै नयाँ समाजवादी पार्टी ध्रुवीकरणतिर लाग्ने होकि ? भनेर राय व्यक्त गर्दै जसपा विभाजन हुनसक्ने संकेत गरेका हुन् ।
उनले पुरानोको ध्वंस विना नयाँ निर्माण हुन्न भन्दै मार्क्सेली दर्शनले भन्ने बताएका छन् । नेकपाको अन्तरध्वंस नयाँ समाजवादी शक्ति निर्माणको नयाँ आधार बन्न सक्ने बताएका छन् ।
उनले लेखेका छन्, ‘पुरानोको ध्वंस विना नयॅा निर्माण हुन्न-मार्क्सेली दर्शनले भन्छ ! नेकपाको अन्तरध्वंस नयॅा समाजवादी शक्ति निर्माणको नयॅा आधार बन्नसक्छ । अत:फुटेका हॅाडीका टुक्राहरूको डम्फु बजाउनु वा तिनलाई टेपले टॅासेर पुरानै हॅाडी बनाउने मिथ्या कोशिश गर्नुसट्टा नयॅा समाजवादी ध्रुवीकरणतिर लाग्ने होकि ?’
यो पनि पढ्नुहोस्
