काठमाडौं । प्रधानमन्त्री केपी शर्मा ओलीले पार्टीका वरिष्ठ नेता माधवकुमार नेपाल-झलनाथ खनाल समूहले आफ्नो चियापान बहिस्कार गरेपछि कडा प्रश्न गरेका छन्। नेकपा एमालेका अध्यक्षसमेत रहेका ओलीले नेपाल-खनाल समूहलाई कसको चियापानमा पाए जानुहुन्छ भनेर प्रश्न गरेका छन् ।
चियापान कार्यक्रमलाई सम्बोधन गर्दै ओलीले एकथरी अनुहारका साथीहरु नदेखिएको बताए । ओलीले भने, ‘हिजो बेलुका मैले सुनेँ, बैठक बसेर निर्णय गर्नुभयो पार्टीको चियापानमा नजाने रे । प्रधानमन्त्रीको निमन्त्रणामा नजाने, कसको चियापानमा पाए जानुहुन्छ ?’
