माधव नेपाललाई भाले बनाउँदै सुर्य थापाले भने, ‘पेरिसडाँडामा कुखुरी काँ ?’

काठमाडौं । प्रधानमन्त्री केपी शर्मा ओलीका प्रेस सल्लाहकार सुर्य थापाले पूर्वप्रधानमन्त्री तथा प्रचण्ड-नेपाल समूहका अध्यक्ष माधवकुमार नेपाललाई कुखुरी काँ भनाइ व्यंग्य हानेका छन्

थापाले माधवकुमार नेपाल अध्यक्ष बनेकाे १ महिना ४ दिनमै अवैध घाेषणा भएको टिप्पणी गरेका छन् थापाले अध्यक्ष नेपाललाई एकीकृत पार्टीकाे तेस्राे अध्यक्ष बन्न भन्दा मनले नमानेको र तेल दिँदा नखाने काेल चाट्ने गर्दा यस्तो भएको आरोप लगाए

सामाजिक संजाल फेसबुकमा थापाले लेखेका छन्, “पहिले दरबारकाे पश्चिम ढाेकामा सभक्ति बिन्तिपत्र चढाउँदा प्रधानमन्त्री बन्न नपाएको इतिहासकै पुनरावृत्ति -अहिले कार्की बैंक्वेटमा आयाेजित प्रचण्डपथीय भेलाबाट स्वघाेषित अध्यक्ष बनेकाे १ महिना ४ दिनमै अवैध घाेषणा –
बुद्धिले अरूलाई खा,
रिसले आफूलाई खा
भनेकाे यस्तै भएर हाेला !
एकीकृत पार्टीकाे तेस्राे अध्यक्ष बन्न भन्दा मनले मानेन,
तेल दिँदा नखाने काेल चाट्ने गर्दा त यस्तै हुन्छ नै ।
मजाक –
उधारो हुन्न, हाताहाती चाहिन्छ,
पेरिसडाँडामा कुखुरी काँ ?”