काठमाडौँ, २७ साउन । नेपाल कम्युनिष्ट पार्टी (नेकपा) केन्द्रीय सदस्य तथा सांसद विशाल भट्टराईले प्रधानमन्त्री भइसकेका सबैले पार्टी र सरकारको नेतृत्व छोड्नुपर्ने बताएका छन् । एक टेलिभिजनको अन्तर्वार्ताको क्रममा बोल्दै सांसद भट्टराईले पार्टीभित्रको विवाद लम्विदै गएको र पदको लागि झगडा गर्ने भए प्रधानमन्त्री भइसकेका सबै नेताहरुले युवालाई नेतृत्व हस्तान्तरण गर्न आग्रह गरेका छन् ।
पछिल्लो समय नेकपा भित्रको विवादले गर्दा पार्टी फुट्ने अवस्थामा पुगेपछि पार्टीभित्रका सांसदहरु पार्टी विभाजनवाट रोक्नको लागि हस्ताक्षर अभियानसमेत चलाएका छन् ।
