वैशाख २९, काठमाडौँ । नेपाली विद्यार्थी संघ (नेविसंघ) ले भारत र चीनकाे बढ्दाे हस्तक्षेपको विरोध गर्दै काठमाडौंमा मसाल जुलुस निकालेको छ । भारतीय विस्तारवाद र चीनले सगरमाथामा लगाएको गिद्धे दृष्टीको विरुद्ध तथा पक्राउ परेका आफ्ना अध्यक्ष र महामन्त्री सहितका कार्यकर्ताको विनासर्त रिहाइको माग गर्दै राजधनीको बालाजु क्षेत्रमा राँके जुलुश प्रदर्शन गरेका हुन् ।
नेपाल विद्यार्थी संघ र नेपाली कांग्रेस तारकेश्वर नगरपालिका-४ को आयोजनामा लोलाङदेखि बाइपाससम्म मसाल जुलुससहित विरोध प्रदर्शन गरिएको हो ।
नेविसंघका निवर्तमान केन्द्रीय सदस्य सुशील भट्टको नेतृत्वमा भएको विरोध प्रदर्शनमा नेपाली कांग्रेस तारकेश्वर नगरपालिका वडा नम्बर ४ का सभापति मनोज राना, महासमिति सदस्य डिल्लिराम सापकोटा, वरिष्ठ अधिवक्ता ठाकुरराम आचार्य, प्राध्यापक संघका केन्द्रीय सल्लाहकार धनेश्वर नेपाल ,विद्यार्थी नेताहरु सन्तोष गुरुङ, जीवन राना, सुशान्त आचार्य, सुदीप अधिकारी लगायत रहेका थिए ।
यस्तैगरी स्थानीय नेताहरु देविराज छत्कुल्ली, खड्गबहादुर थापा,कृष्ण अधिकारी, रामशरण अधिकार, टेकनाथ दाहाल लगायतको उपस्थिति रहेको थियो। जुलुसमा सयौँ स्थानीयको समेत सहभागीता रहेको थियो ।
