काठमाडौं । पूर्वप्रधानमन्त्री समेत रहेका जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले आफ्नी बहिनीका हातबाट भाइटीका लगाएका छन् ।
पूर्वप्रधानमन्त्री भट्टराईले आज बिहन ११ बजेर २ मिनेटको शुभसाइतमा आफ्नी बहिनी पार्वती भट्टराईको हातबाट भाइटीका लगाएका हुन् ।
टीका लगाइदिएपछि बहिनीहरूले भट्टराईलाई मखमली र सयपत्री फूलको माला लगाई कटुुस, ओखर र मिठाई खुवाएर वात्सल्य प्रस्तुत गरे । सो अवसरमा भट्टराईले बहिनीहरुलाई दक्षिणा तथा स्नेहोपहार प्रदान गरे ।
भट्टराईले भाइटीका लगाउँदै गरेको तस्बिर सामाजिक संजाल फेसबुकमा पोष्ट गर्दै टीका ग्रहणसँगै परिवारकासाथ तिहारको रमाइलो भएको उल्लेख गरेका छन् ।
तस्बिर सौजन्य : पूर्वप्रधानमन्त्री डा.बाबुराम भट्टराईको फेसबुक पेजबाट
