k|wfgdGqL cf]nL
sf7df8f}F, !@ h]7 . /fi6«klt ljBfb]jL e08f/LnfO{ g]kfn ;/sf/ / /fli6«o ;’/Iff kl/ifbsf] jflif{s k|ltj]bg a”emfPkl5 ;Djf]wg ug{‘x’Fb} k|wfgdGqL s]kL zdf{ cf]nL . t:jL/ Mk|bLk/fh jGt÷/f;;
काठमाडौँ, १२ जेठ । सरकारले नेपालको राष्ट्रिय एकता, सार्वभौमसत्ता र अखण्डताको रक्षा गर्ने कार्यलाई उच्च प्राथमिकतामा राखी आफ्ना कामकारवाही एवं गतिविधि सञ्चालन गरेको जनाएको छ । नेपाल सरकारले राष्ट्रपतिसमक्ष आज बुझाएको सरकारको प्रतिवेदनमा सो कुरा उल्लेख छ ।
संविधानअनुरुप राज्यका नीति तथा दायित्यको कार्यान्वयनको स्थिति र शासकीय सुधार एव सुशासन कायम गर्ने सम्बन्धमा भएका कामकारवाही पनि प्रतिवेदनमा समेटिएको छ । विशेष गरी समृद्ध नेपाल सुखी नेपालीको राष्ट्रिय आकाङ्क्षा हासिल गर्न सरकारले आर्थिक, सामाजिक, पूर्वाधार एव सुशासन तथा सेवा प्रवाहका क्षेत्रमा गरेको रुपान्तरणकारी कार्यको विवरण प्रतिवेदनमा समावेश गरिएको जनाइएको छ ।
नेपाल सरकारले गत आर्थिक वर्ष २०७५।०७६ को वार्षिक प्रतिवेदन राष्ट्रपति विद्यादेवी भण्डारीसमक्ष आज पेश गरेको थियो । प्रधानमन्त्री केपी शर्मा ओलीले गत आवमा सरकारद्वारा सम्पादित प्रमुख कार्य र हासिल भएका उपलब्धि समावेश गरिएको वार्षिक प्रतिवेदन राष्ट्रपतिको कार्यालय शीतल निवासमा आज आयोजित समारोहमा राष्ट्रपतिसमक्ष पेश गर्नुभएको हो ।
संवैधानिक व्यवस्थानुरुप प्रधानमन्त्री ओलीले प्रस्तुत गर्नुभएको गत आव २०७५।०७६ को नेपाल सरकारको वार्षिक प्रतिवेदन र सुरक्षा परिषद्को कामकारवाहीसम्बन्धी छुट्टाछुट्टै प्रतिवेदन बुझ्दै राष्ट्रपति भण्डारीले प्रतिवेदनमा उल्लिखित विषयको प्रभावकारी कार्यान्वयनमा सरकार सक्षम हुने विश्वास व्यक्त गर्नुभयो ।
राज्यका निर्देशक सिद्धान्त, नीति र दायित्व कार्यान्वयनका सम्बन्धमा सरकारले गरेका काम र प्राप्त उपलब्धिसहितको वार्षिक प्रतिवेदन सरकारले राष्ट्रपतिसमक्ष पेश गर्ने र राष्ट्रपतिले त्यस्तो प्रतिवेदन प्रधानमन्त्रीमार्फत संघीय संसद्मा पेश गर्ने संवैधानिक व्यवस्था छ ।
