२१ चैत, धनुषा । धनुषामा दुई समय तालिकामा बुधबारबाट सुरु भएको कक्षा ८ को वार्षिक बोर्ड परीक्षा अन्तर्गत अंग्रेजी विषयको पश्नपत्र परीक्षा सुरु हुनुअघि नै आउट भएको छ ।
पहिलो दिन अंग्रेजी विषयको प्रश्नपत्र पहिला नै आउट भएपछि अधिकांश परीक्षार्थी पहिला त्यसै अनुसारको तयारी र चिट नै बनाएर परीक्षा दिन गएका छन् ।
प्रश्नपत्र कुन विद्यालयबाट कसरी आउट भएको कुरा भने खुल्न सकेको छैन । परीक्षा जिल्लाको कुन स्थानीय तहमा कति बजे देखि हो भन्ने विषयमा धनुषाका जिल्ला शिक्षा अधिकारी यमबहादुर खड्का अनविज्ञ हुनुहुन्छ ।
